Milli Məclisdə BSU fəalları ilə görüş keçirilib
Fevralın 2-də Bakı Slavyan Universiteti üzrə YAP Gənclər Birliyinin (GB) sosial şəbəkələrdə fəallığı ilə seçilən bir qrup üzvü Milli Məclisdə "Gənclər gününə" həsr olunmuş dəyirmi masada iştirak edib.
Millət vəkili Məlahət İbrahimqızı və YAP-ın Bakı Slavyan Universiteti üzrə sədri Sevinc Axundovanın təşəbbüsü keçirilən görüşdə əvvəlcə Ümummilli Lider Heydər Əliyevin əziz xatirəsi yad edilib, Ulu Öndərin Milli Məclisin foyesində yerləşən büstü önünə əklil qoyulub.
Görüş çərçivəsində gənc fəallar Milli Məclisdə yerləşən Heydər Əliyev xatirə zalı ilə tanış olublar.
Sonra komitə iclasları keçirilən zalda millət vəkilləri Məlahət İbrahimqizi, Sevinc Hüseynova, Pərvin Kərimzadə və Sosial Qanunvericilik şöbəsinin müdiri Adilə Abbasova YAP GB-nin fəalları ilə görüşüblər.
Dəyirmi masada dövlət başçısı İlham Əliyev tərəfindən həyata keçirilən gənclər siyasəti, ölkəmizdə gənclərin inkişafı üçün nəzərdə tutulmuş işlər və layihələr barədə söhbət açılıb. Millət vəkilləri gənclərə bir sıra tövsiyələr verib, onları 2 fevral Gənclər Günü münasibətilə təbrik ediblər.
Sonda gəncləri maraqlandıran suallar cavablandırılıb.
BSU-nun Mətbuat Xidməti
1654501810.png)