Ümumi məlumat və əlaqə

BAKI SLAVYAN UNİVERSİTETİNƏ ƏCNƏBİ VƏTƏNDAŞLARIN QƏBULU

ÜÇÜN MÖVCUD 6 ADDIM

① Təhsil proqramını, ixtisası və tədris dilini www.bsu-uni.edu.az saytında “İxtisaslar və təhsil haqqı” bölməsində  seçin.

② Əvvəlki təhsil haqqında sənədinizi verildiyi ölkədə  leqallaşdırın.

③ www.evisa.gov.az saytında təhsil vizasını rəsmiləşdirin. MDB-yə üzv  dövlətlərin  vətəndaşlarına (Türkmənistan istisna olmaqla) viza tələb olunmur.

④ Azərbaycan Respublikası Miqrasiya Xidməti tərəfindən verilən “Azərbaycan Respublikasının vətəndaşlığı haqqında”  arayışı əldə edin.

⑤ Müəyyən olunmuş  tarixdən gec olmayaraq, Bakı Slavyan Universitetinin Əcnəbi tələbələrlə iş üzrə dekanlığına lazımi  sənədləri təqdim edin

⑥  Seçilən ixtisasa uyğun müsabiqədən keçin 

Əcnəbi vətəndaşların Azərbaycanın ali təhsil müəssisələrinə qəbulu və təhsili Azərbaycan Respublikası Nazirlər Kabinetinin 125 nömrəli, 1 may 2015-ci il tarixli “Azərbaycan Respublikası vətəndaşlarının xarici ölkələrdə, əcnəbilərin və vətəndaşlığı olmayan şəxslərin Azərbaycan Respublikasında təhsil alması Qaydaları”nın təsdiq edilməsi haqqında  Qərarı ilə təmzimlənir.

Bu Qaydalar Azərbaycan Respublikasında daimi yaşayan əcnəbi vətəndaşlara şamil edilmir. Azərbaycanda daimi yaşayan əcnəbilər Azərbaycan Respublikası vətəndaşları kimi Dövlət İmtahan Mərkəzinin təşkil etdiyi imtahanlarda iştirak etməlidir.

Bakı Slavyan Universitetinə əcnəbi tələbələrin qəbulu 1993-cü ildən aparılır. Azərbaycan Respublikası Təhsil Nazirliyinin 2017-ci ilə olan məlumatına əsasən, əcnəbi vətandaşların sayına görə Bakı Slavyan Universiteti ölkə ali təhsil müəssisələrinin ilk onluğuna daxildir.  Hazırda Bakı Slavyan Universitetin müxtəlif təhsil pillələrində 17 ölkədən  (Türkiyə, Rusiya, Ukrayna, Pakistan, Çin, İran, Türkmənistan, Qazaxıstan, Qırğızıstan, Özbəkistan, Vyetnam, Suriya, Makedoniya, Gürcüstan, Qambiya, İspaniya, ABŞ) 200 yaxın əcnəbi tələbə təhsil alır.

Əcnəbi tələbələr Bakı Slavyan Universitetinin ictimai həyatında fəal iştirak edirlər. Onlar müxtəlif elmi, bədii, idman və xeyriyyə tədbirlərində, sərgilərdə, müsabiqələrdə, respublika və beynəlxalq əhəmiyyətli konfranslarda yerli tələbələrlə bərabər iştirak edirlər.

Universitetdə tədris Azərbaycan və Rus dillərində, əyani və qiyabi formalarda aparılır.
Əcnəbi tələbələr üçün təhsil ödənişlidir.

Bakı Slavyan Universitetinin nəznində tələbə yataqxanası fəaliyyət göstərir. Yataqxanada qalma xərcləri əcnəbi tələbə tərəfindən ödənilir. 2020/2021 tədris ilində yataqxanada qalmaq üçün aylıq ödəniş 100 AZN təşkil edir.

Bakı Slavyan Universitetində əcnəbi vətəndaşların qəbulunu və tədris prosesinə nəzarəti Əcnəbi tələbələrlə iş üzrə dekanlıq həyata keçirir.

ƏCNƏBİ TƏLƏBƏLƏRLƏ İŞ ÜZRƏ DEKANLIQ

Əcnəbi tələbələrlə iş üzrə dekanlıq 3 aprel 2008-ci ildən fəaliyat göstərir. Əcnəbi vətəndaşların qəbulunu və tədris prosesinə nəzarəti Əcnəbi tələbələrlə iş üzrə dekanlıq həyata keçirir.

Əcnəbi tələbələrlə iş üzrə dekanlığın əsas fəaliyyət istiqamətləri:

 

  • Əcnəbilərin sənədlərinin qəbulu və universitetə daxil olmaları işinin təşkili
  • Əcnəbi tələbələrin ölkədə qeydiyyat, viza və s. hüquqi məsələlərinin təşkili
  • Əcnəbi dinləyicilər üçün Hazırlıq şöbəsində tədris prosesinin təşkili
  • Əcnəbi tələbələrlə mədəni-maarif və idman-sağlamlıq işin təşkili
  • Əcnəbi tələbələrin tələbə yataqxanasında yerləşdirilməsi və asudə vaxtlarının səmərəli keçirilməsinin təşkili
  • Bakı Slavyan Universitetinə əcnəbiləri cəlb etmək məqsədilə tədbirlərin həyata keçirilməsi

 

 

 

 

ƏLAQƏ:

Ünvan: Azərbaycan, Bakı, S.Rüstəm 33
Tel.: +99412 599-08-70 (115)
E-mail: intstudent@tedris-bsu.org

Web: www.bsu-uni.edu.az

İş vaxtı:     

Bazar ertəsi – cümə
09.00 – 18.00