“Biz birlikdə güclüyük:
Azərbaycan-Türkiyə gəncliyi” adlı tədbir keçirilib
Mayın 20-də Yeni Azərbaycan Partiyasının(YAP) Nəsimi rayon təşkilatı tərəfindən onlayn formada “Biz birlikdə güclüyük : Azərbaycan-Türkiyə gəncliyi” adlı tədbir keçirilib.Tədbir iki qardaş xalqın gənclərinin bu gün və gələcəkdə birgə fəaliyyətinə və vəzifələrinə həsr olunub.
Videokonfransda Milli Məclisin deputatı,YAP-ın Nəsimi rayon təşkilatının sədri Məlahət İbrahimqızı və Türkiyə Respublikasının Azərbaycan Respublikasındakı fövqəladə və səlahiyyətli səfiri cənab Cahit Bağcı çıxış ediblər.
Həmçinin YAP-ın Nəsimi rayon təşkilatının Bakı Slavyan Universitetinin(BSU) ərazi ilk partiya təşkilatının sədri, BSU-nun Pedaqoji fakültəsinin Pedaqogika və psixologiya kafedrasının müdiri, dosent Sevinc Axundova, YAP-ın Nəsimi rayon təşkilatının BSU ərazi ilk partiya təşkilatının Gənclər Birliyinin İdarə Heyətinin üzvləri və fəalları iştirak ediblər.
Videkonfransda BSU-nun Beynəlxalq münasibətlər,regionşünaslıq və jurnalistika fakültəsinin I tədris ili tələbəsi, YAP-ın Nəsimi rayon təşkilatının BSU ərazi ilk partiyasının Gənclər Birliyinin fəallarından olan Elxan Verdiyev “Azərbaycan-Türkiyə gəncliyi” mövzusunda çıxış edib.
Onun çıxışı iştirakçılar tərəfindən maraqla qarşılanıb.
Mətbuat və informasiya şöbəsi
1654501810.png)