Tələb olunan sənədlər və qeydiyyat tarixləri

ƏCNƏBİ VƏTƏNDAŞLARININ VƏ VƏTƏNDAŞLIĞI OLMAYAN ŞƏXSLƏRİN BAKI SLAVYAN UNIVERSİTETİNƏ QƏBULU ÜÇÜN TƏLƏB OLUNAN SƏNƏDLƏR (BÜTÜN TƏHSİL SƏVİYYƏLƏRİ ÜÇÜN)

  1. Əvvəlki təhsil haqqında sənədin (attestat/diplom) verilən ölkədə Apostille möhürü ilə və ya leqallaşdırılmış əsli və həmin sənədin Azərbaycan Respublikasında notarius tərəfindən təsdiqlənmiş və Azərbaycan dilinə tərcümə olunmuş surəti¹
  2. Azərbaycan Respublikası Dövlət Miqrasiya Xidməti tərəfindən verilən “Azərbaycan Respublikasının vətəndaşlığı haqqında” arayış²
  3. Beynəlxalq pasport və Azərbaycan Respublikasında notarius tərəfindən təsdiqlənmiş və Azərbaycan dilinə tərcümə olunmuş surəti. Beynəlxalq pasportun etibarlılıq müddəti universitetdə təhsil alma dövrünə uyğun ölmalıdır.
  4. Tibbi arayış (Hepatit B, C, QİÇS və praktiki sağlamlıq haqqında)
  5. Bakı Slavyan Universitetinin rektorunun adına ərizə
  6. Şəkil 3x4 (8 ədəd/qırmızı fonda)

 

¹TƏHSIL HAQQINDA SƏNƏDİN  LEQALLAŞDIRILMASI

Xarici ölkədə verilən sənədin əvvəlcədən verilmə ölkəsində leqallaşdırılmasına və ya Apostille (1961-ci il tarixli Haaqa konvensiyasına üzv ölkələr üçün) olunmasına xüsusi diqqət yetirmək lazımdır.

Magistratura və doktorantura səviyyələrinə qəbul olunmağa namizəd olan əcnəbi vətəndaşlar ölkələrində verilən təhsil haqqında sənədlərini Azərbaycan Respublikası Təhsil Nazirliyinin Akkreditasiya və Nostrifikasiya Departamentində   təsdiq etməlidirlər. Bu prosedur 2 aydan 9 ayadək davam edir və universitetə qəbul olunmaq üçün sənədləri verilməsindən əvvəl tamamlanmalıdır.

²AZƏRBAYCAN RESPUBLIKASI MIQRASIYA XIDMƏTI TƏRƏFINDƏN VERILƏN “AZƏRBAYCAN RESPUBLIKASININ VƏTƏNDAŞLIĞI HAQQINDA”   ARAYIŞIN TƏQDİM OLUNMASI

Azərbaycan Respublikası Dövlət Miqrasiya Xidməti tərəfindən verilən “Azərbaycan Respublikasının vətəndaşlığı haqqında”  arayışın təqdim olunması bütün ölkələrin vətandaşları üçün zəruri hesab olunur.  

Arayışın hazır olmasını universitetə sənəd qəbulundan əvvəlcə  təmin etmək lazımdır.

ƏCNƏBİ VƏTƏNDAŞLARIN SƏNƏDLƏRİNİN QƏBULU VƏ QEYDİYYAT TARİXLƏRİ

 

Bakı Slavyan Universitetinin hazırlıq, bakalavriat və magistratura təhsil səviyyələrinə əcnəbi vətəndaşların sənəd qəbulu 01.06.2020-ci il tarixindən  10.09.2020-ci il tarixinə kimi davam edəcək.

Bütün təhsil səviyyələr üzrə dərs ili sentyabrın 15-də başlayır. Tədris ili iki semestr və iki imtahan sessiyadan ibarətdir.