Bakı Slavyan Universiteti 2 iyun 2023-cü il tarixində “İnklüziv təhsildən inklüziv cəmiyyətə” adlı II Respublika elmi-praktik konfrans keçirəcəkdir.
Konfransın istiqamətləri:
· İnklüziv təhsil müəlliminin peşəkar profili, təlim modelləri və təlim proqramları.
· İnklüziv təhsilin şəbəkələşməsi: məktəbəqədər, ümumi və peşə təhsilində uğurlu təcrübələr.
· Müasir cəmiyyətin inklüziv potensialı: təhsil və əmək bazarı.
· İnklüziv təhsil mühitinin layihələşdirilməsi və universal öyrənmə dizaynı.
· İnklüziv təhsil mühitinin inkişafı üçün təhsil müəssisələrinin Qeyri Hökümət Təşkilatlarla şəbəkə qarşılıqlı əlaqələrinin inkişafı.
Tezislərin göndərilməsinin son tarixi 5 may 2023-cü il
Tezislərin tərtibi qaydaları:
▪ Azərbaycan, türk, ingilis və rus dillərindən birində yazılması və elektron formada təqdim edilməsi:
· təqdim olunan tezislərin əvvəllər çap olunmaması;
· mövzunun konfransın istiqamətlərindən birinə uyğun olması;
· mövzunun aktual və orijinal olması;
· nəticələrin elmi və praktik əhəmiyyət daşıması;
· elmi üslubda və səhvsiz yazılması;
· təqdim olunan tezislərin mətninin maksimum 3 səhifə olması
· hər bir tezisin yazıldığı dildən başqa iki dildə xülasənin və açar sözlərin olması;
· xülasələrin 200 işarəyə, Times New Roman, 10 şrift, sətirlərarası məsafə - 1.15 formatında yazılması;
· 5 sözdən ibarət açar sözün verilməsi (açar sözlərin müvafiq xülasələrin sonunda göstərilməsi);
· xülasədə irəli sürülən başlıca elmi müddəaların, tədqiqatdan alınan nəticələrin öz əksini tapması;
· mətnin əvvəlində mövzunun adı (vərəqin mərkəzində), onun altında sağda isə müəllifin soyadı, adı, iş yeri, elmi dərəcəsi, elmi adı, tutduğu vəzifə, elektron ünvanının yazılması;
· tezislərin Microsoft Word fayl formatında hazırlanması, səhifə ölçülərinin isə sol kənar –2.5 sm, sağ kənar 1.5 sm, alt və üst – 2.0 sm şəklində olması;
· tezisin əsas mətn hissəsinin Times New Roman, 12 şrift, sətirlərarası məsafə - 1.5 olması;
· tezisdə əsas başlıqların Times New Roman, 12 şriftilə böyük, qalın, alt başlıqları isə Times New Roman, 12 şrifti ilə başlığın ilk hərfi böyük, qalın yazılması;
· tezislər konfransın İşçi qrupu tərəfindən dəyərləndiriləcəkdir. Qəbul olunan tezislərin müəllifinə elanda göstərilən vaxtda qəbul məktubu göndəriləcəkdir.
· istifadə edilmiş ədəbiyyat siyahısı əlifba sırası ilə verilməlidir.
Konfransda yalnız məruzə ilə çıxış edən şəxslərin materialları (tezisləri) çap olunacaqdır.
Tezisin göndəriləcəyi ünvan: Bakı şəhəri, Süleyman Rüstəm küçəsi 33 Elektron formada: inkluzivkonfrans@mail.ru
Əlaqə telefonu: (012)4402770