ru
ru
Bakı Slavyan Universitetində tələbə həyatı, yalnız dərslərlə məhdudlaşmır; bu, həm də çoxsaylı sosial, mədəni və elmi fəaliyyətlərlə zəngin bir təcrübədir. Burada tələbələrin keçirdiyi vaxt, həm maraqlı, həm faydalı, həm də əyləncəlidir. Universitetimizin təqdim etdiyi imkanlar tələbələrə şəxsi inkişaf, yeni dostlar tapmaq, müxtəlif sahələrdə təcrübə qazanmaq və eyni zamanda əylənmək üçün geniş yollar açır.
Tələbələr dərslərlə yanaşı, mədəni və sosial tədbirlər, idman yarışları, konsertlər və digər əyləncəli fəaliyyətlərdə də iştirak edirlər. Bu, tələbələrə gündəlik stressdən uzaqlaşmaq, əylənmək və yeni təcrübələr yaşamaq imkanı verir.
Bakı Slavyan Universitetində həmçinin Tələbə Gənclər Təşkilatı və Tələbə Elmi Cəmiyyəti kimi təşkilatlar vasitəsilə həm əyləncəli, həm də faydalı fəaliyyətlərdə iştirak etmək mümkündür. Bu təşkilatlar tələbələrin sosial həyatını zənginləşdirir, eyni zamanda elmi və yaradıcı sahələrdə özlərini inkişaf etdirmək üçün fürsətlər yaradır. Burada qazanılan təcrübələr yalnız təhsil həyatlarında deyil, eyni zamanda şəxsi inkişaflarınada müsbət təsir göstərir.
Bütün bunlar bir araya gəldikdə, Bakı Slavyan Universitetində tələbə həyatı yalnız təhsil və akademik fəaliyyətlərlə deyil, həm də əyləncəli, maraqlı və unudulmaz anlarla doludur. Bu unikal təcrübə tələbələrə həm gündəlik həyatda, həm də gələcəkdə uğurlu olmaq üçün lazım olan bütün bacarıqları və dostluqları təqdim edir.
BSU-da TƏHSİL
Ətraflı məlumat
Mübadilə proqramları
Ətraflı məlumat
