Karyera xidməti şöbəsi

Karyera xidməti şöbəsi fəaliyyət planına uyğun tələbə və məzunlar üçün tədbirlər təlimlər seminarlar, məzunlarla görüşlər, əmək yarmarkası təşkil edir. 

Karyera xidməti şöbəsinin əsas vəzifə və funksiyaları aşağıdakılardan ibarətdir:

• Tələbə,magistrant və məzunların əmək bazarına adaptasiya olunmasına, öz ixtisasları üzrə uğurlu karyera qurmalarına dəstək;  

• Məzun tələbə və magistrantların iş yerləri xarici dil və kompüter bilikləri barədə məlumat bazasının yaradılması;  

• Bakı Slavyan Universitetinin məzunlarının ixtisas üzrə işləmələrinə uyğun məlumat bazasının yaradılması;  

• Uğurlu karyerası olan qonaqlarla tələbə və magistrantların görüşünün təşkil edilməsi;  

• Əmək bazarının ixtisaslı kadrlara, o cümlədən universitetin məzunlarına olan tələbatının təmin edilməsi;  

• Əmək bazarındakı vəziyyət və meyllərə, iş yeri axtaranlar üçün irəli sürülən tələblərə uyğun informasiyanın toplanılması, ümumiləşdirilməsi, təhlili və tələbələrin bu istiqamətdə yönləndirilməsi;  

• Əhalinin məşğulluq mərkəzləri, Azərbaycan Respublikası Sahibkarlar-İşəgötürənlər Birliyi, kadr agentlikləri, müəssisələr, təşkilatlar, idarələr və digər qurumlarla BSU-nun məzunlarının işə götürülməsi ilə əlaqədar müqavilə münasibətlərinin və daimi qarşılıqlı əlaqələrin qurulub inkişaf etdirilməsi;  

• Müxtəlif karyera günlərinin, tematik sərgilərin, müsabiqələrin, seminarların, dəyirmi masaların və s. tədbirlərin təşkili və keçirilməsi;  

• Universitet rəhbərliyinin müxtəlif müəssisələrinin rəhbərləri, işəgötürənlər birliyi ilə qarşılıqlı əməkdaşlıq məsələlərinin həlli üçün görüşlərin təşkili ;  

• Təşkilatlar, müəssisələrlə əməkdaşlıq haqqında müqavilələrin bağlanılması;

• Dövlət Məşğulluq Agentliyi ilə birgə məzunların davamlı məşğulluq reytinqini izləmək.