BSU-nun tələbələrinin pedaqoji və istehsalat təcrübəsi başladı

Bakı Slavyan Universitetində (BSU) buraxılış ili tələbələrinin 2021-2022-ci tədris ilinin yaz semestri üçün pedaqoji və istehsalat təcrübəsinə hazırlıq, sənədləşmə və digər təşkilati-texniki işlər vaxtında başa çatdırılıb.

Fevralın 16-dan etibarən başlayan pedaqoji və istehsalat təcrübəsi 14 həftə davam edəcək və mayın 25-də başa çatacaq. BSU-nun 647 nəfər tələbəsi 102 nəfər müəllim-metodistin rəhbərliyi ilə Təhsil Nazirliyinin və Bakı Şəhəri üzrə Təhsil İdarəsinin tabeliyində olan 40-a yaxın tam orta məktəbdə və 8 uşaq bağçasında pedaqoji təcrübə, 376 nəfər tələbəsi isə 120 nəfər müəllim-metodistin rəhbərliyi ilə 32 dövlət və qeyri-dövlət qurumunda istehsalat təcrübəsi keçəcək.

paylaş