BSU-nun şəhid məzunlarının məzarları ziyarət edilib
Dekabrın 30-da Bakı Slavyan Universitetinin (BSU) rəhbərliyi, müəllim və əməkdaşları 31 Dekabr-Dünya Azərbaycanlılarının Həmrəyliyi Günü ilə əlaqədar universitetin məzunları, Vətən müharibəsi şəhidləri Nicat Şükürlü, Elnur Allahverdizadə və Kənan Rüstəmlinin məzarlarını ziyarət ediblər. Ziyarət zamanı şəhid məzunların məzarları önünə gül dəstələri düzülüb, onların əziz xatirəsi dərin ehtiramla yad edilib.
Şəhid məzunların valideynləri ilə görüşən BSU-nun təmsilçiləri igid,mətin və vətənpərvər övlad yetişdirdikləri üçün onlara dərin minnətdarlıqlarını bildiriblər. Vurğulanıb ki, Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun Vətən müharibəsində Böyük Zəfər qazanmasında BSU-nun şəhid məzunlarının mühüm xidmətləri var.
Şəhid məzunların ailə üzvləri göstərilən diqqətə görə BSU-nun rəhbərliyinə təşəkkür ediblər.
Qeyd edək ki,Vətən müharibəsində BSU-nun 100-ə yaxın məzunu iştirak edib. BSU-nun kollektivi həmişə şəhid məzunların xatirəsini əziz və uca tutur.
Allah bütün şəhidlərimizə rəhmət eləsin!
1654501810.png)