BSU-da “Fransızlar və bayramlar” mövzusunda seminar keçirilib
Dekabrın 25-də Bakı Slavyan Universitetində ERASMUS+ PETRA layihəsi çərçivəsində yaradılmış Təlim və Tədris Mərkəzində Filologiya və xarici dil müəllimliyi fakültəsinin Roman filologiyası kafedrasının müəllimi Şənçiçək Məmmədova tərəfindən “Les Fêtes et les Français” (Fransızlar və bayramlar) mövzusunda seminar keçirilib. İki hissədən ibarət olan seminarda Roman filologiyası kafedrasının müəllim heyəti və fransız dili üzrə təhsil alan tələbələr iştirak ediblər.
Seminarın birinci hissəsində müəllim Şənçiçək Məmmədova mövzu ilə bağlı iştirakçılara maraqlı məlumatlar verib, slayd təqdim edib.
Seminarın ikinci hissəsində Şənçiçək Məmmədova mövzunun dinləyicilər tərəfindən necə mənimsənildiyini müəyyən etmək məqsədilə xüsusi praktik tapşırıqlar verib. Tələbə-gənclər tərəfindən maraqla qarşılanan seminarda fransız bayramlarında həyata keçirilən müxtəlif adətlər əyani şəkildə təqdim edilib.
Mətbuat Xidməti
1654501810.png)