Təhsil müəssisələrində təlim-tərbiyə prosesinin dayandırılması barədə əmr
Təhsil naziri Ceyhun Bayramov Nazirlər Kabinetinin 2019-cu il 16 yanvar tarixli sərəncamının icrasını təmin etmək məqsədi ilə “Təhsil müəssisələrində təlim-tərbiyə prosesinin dayandırılması barədə” əmr imzalayıb.
Əmrə əsasən, hava şəraitinin kəskin pisləşəcəyi ilə əlaqədar 2019-cu il yanvarın 17-si və 18-i respublika ərazisində fəaliyyət göstərən bütün təhsil müəssisələrində təlim-tərbiyə prosesi dayandırılır və tədrislə bağlı tədbirlər təxirə salınır.
Əmr bütün ümumtəhsil, peşə təhsili, orta ixtisas və ali təhsil müəssisələrinə aiddir. Eyni zamanda ali məktəblərdə imtahan və kollokviumlar da iki günlük təxirə salınıb. Bakı Slavyan Universitetinin qış imtahan sessiyasına hazırlaşan tələbələrin nəzərinə!
Təhsil nazirinin əmrini rəhbər tutaraq Bakı Slavyan Universitetinin rektoru, professor Nurlana Əliyevanın 16 yanvar, 2019-cu il tarixli əmri:
Bakı Slavyan Universitetində yanvarın 17-də nəzərdə tutulan 32 imtahan yanvarın 26-na, yanvarın 18-də nəzərdə tutulan 63 imtahan fevral ayının 1-nə keçirilsin.
1654501810.png)