AZƏRBAYCAN UNİVERSİTETLƏRİNİN NÜMAYƏNDƏLƏRİ ERASMUS + PETRA LAYİHƏSİNİN ÇƏRÇİVƏSİNDƏ VALENSİYA POLİTEXNİK UNİVERSİTETİNDƏ OLDULAR
İyunun 18-dən 22-dək Valensiya Politexnik Universitetində ERASMUS + PETRA (Azərbaycan Universitetlərində Tədris və Təlimdə Mükəmməlliyin Təşviqi) layihəsi çərçivəsində seminar–təlimlər keçirildi. Bu layihədə Bakı Slavyan Universitetini İngilis filologiyası kafedrasının baş müəllimi Natəvan Babayeva təmsil etmişdir. O Akkreditasiya Horizon 2020, ERASMUS + KA1, KA2, ERASMUS MUNDUS proqramları, Valensiya Politexnik Universitetinin Techno Park və Elektron Təhsil sistemi üzrə keçirilən təlimlərdə iştirak etmişdir.
Tədbirin əvvəlində bütün tərəfdaş universitetlərdən olan menecerlərin görüşü keçirildi. Layihə çərçıvəsində keçirilən təlimlərdə xarici tərəfdaş universitetlər olaraq. Debresen, Qazi, Vyana və Finlandiya universitetlərinin nümayəndələri də iştirak edirdilər. Bununla yanaşı, layihənin baş koordinatoru Valensiya Politexnik Universitetinin professoru Havier Orozko və AB layihələrinin meneceri Carlos Himenez ilə üz-üzə görüş keçirildi. Gorüşdə rəhbər heyətin məqsədi göndərilən sənədlərin nəzərdən keçirilməsi və layihə üzrə verilmiş tapşırıqların monitorinqini aparmaq idi.
Təlimlərdən biri Valensiya Politexnik Universitetinin Multimediya Mərkəzində təşkil edilmişdir. Təlim iştirakçıları Valensiya Politexnik Universitetinin multimediya studiyası ilə tanış oldular. Hər bir universitetdən bir nümayəndəyə 3-10 dəqiqəlik bir məruzə və ya təqdimat şansı verildi . İngilis filologiyası kafedrasının baş müəllimi Natəvan Babayeva "Bakı Slavyan Universitetinin veb səhifəsinin tətbiqi" mövzusunda təqdimat etdi. Çıxışında BSU-nun veb səhifəsi nümayiş olundu. Təlimlərin beşinci günü bütün tərəfdaş universitetlərin nümayəndələri "Ali Təhsilin Təkmilləşdirilməsi" HEAD 18 adlı IV Beynəlxalq Konfransa qatılmaq və iştirak etmək şansı əldə etdi. İngilis filologiyası kafedrasının baş müəllimi Natəvan Babayeva, "Dünya Ali Təhsil Sisteminə inteqrasiya" məqaləsi ilə bağlı təqdimatla çıxış etdi. Təqdimatlardan sonra konfrans iştirakçılarına sertifikatlar verildi. Sonra konfrans öz işini bölmələrdə davam etdirdi.
1654501810.png)